ന്യൂഡൽഹി: മുന് ഉപരാഷ്ട്രപതി ജഗദീപ് ധന്കറിനെ ആശുപത്രിയില് പ്രവേശിപ്പിച്ചു. ഡൽഹി എയിംസിലാണ് നിലവിൽ ജഗദീപ് ധന്കർ ചികിത്സയിലുള്ളത്. ഇന്ന് പരിശോധനയ്ക്കെത്തിയ ധൻകറിനോട് അഡ്മിറ്റാകാന് നിര്ദേശിക്കുകയായിരുന്നു.
കഴിഞ്ഞയാഴ്ച രണ്ട് തവണ മുന് ഉപരാഷ്ട്രപതിക്ക് ബോധക്ഷയമുണ്ടായിരുന്നു. ഇതേ തുടർന്നാണ് ഇന്ന് പരിശോധനയ്ക്കായെത്തിയത്. എംആര്ഐ സ്കാൻ ഉൾപ്പെടെ പരിശോധനകള് നടത്തിയെന്നും കൂടുതല് പരിശോധനകള് വേണ്ടിവരുമെന്നും ആശുപത്രി അധികൃതര് വ്യക്തമാക്കി.
ഉപരാഷ്ട്രപതിയായ വേളയില് കേരളത്തിൽ സന്ദർശനം നടത്തിയ വേളയിലും ജഗദീപ് ധന്കറിന് ബോധക്ഷയമുണ്ടായിരുന്നു. 74 വയസുകാരനായ ധന്കറിനെ ഉപരാഷ്ട്രപതി സ്ഥാനത്ത് നിന്ന് മാറ്റിയതിന് ശേഷം പൊതുവേദികളിൽ സജീവമല്ല.